अफगानिस्तान–पाकिस्तानलाई संयमता अपनाउन चीनको आग्रह

काठमाडौं । चीनले अफगानिस्तान र पाकिस्तानलाई शान्त रहन संयमता अपनाउन आग्रह गरेको छ ।चिनियाँ विदेश मन्त्रालयका प्रवक्ता लिन जियानले मंगलबार यी दुवै देशलाई संयमता अपनाउँदै जति सक्दो छिटो वार्ताका माध्यमबाट युद्धविराम गर्न आह्वान पनि गरेका छन् ।

अफगानिस्तान र पाकिस्तान छिमेकी भएका र एकअर्काबाट टाढा रहन नसकिने उल्लेख गर्दै लिनले उनीहरूको समस्या समाधानका लागि संवाद र परामर्श एक मात्र प्रभावकारी उपाय भएको उल्लेख गरेका छन् ।चीनले तनाव कम गर्न र अफगानिस्तान–पाकिस्तानबीचको सम्बन्ध सुधार गर्न रचनात्मक भूमिका खेल्न आफु तयार रहेको चीनले बताएको छ ।